Aleteia logoAleteia logo
Aleteia
الإثنين 30 نوفمبر
home iconمواضيع عميقة
line break icon

الله معك يا وطن... طمني عنّك ؟ دموعك نشفوا؟ عطيوك مأذونية تترتاح وتمسح دموعك بحضن إمك

Lebanese Army l Facebook Image

الخوري كامل يوسف كامل - تم النشر في 24/10/19

عناصر من الجيش اللبناني تبكي وجعاً على الوطن

كيفك اليوم؟ انشالله تكون ارتحت؟ طمني عنك اشغلت بال العالم؟ دموعك نشفوا؟ أعصابك راقوا؟ عطيوك مأذونية تترتاح وتمسح دموعك بحضن إمك أو بعدك بالخدمة كرمال مهمة ثانية بالساحة ذاتا وتشوف بعيونك المدمعين الناس ذاتن؟!


خبرني يا وطن شو اللي وجعك؟ شو اللي بكّاك هالقد؟ مين عملك هالغصة؟ مين جرحك؟ ليش ما استعملت القوة؟ ليش ما استعملت سلاحك؟ ليش ما نفذت الأوامر؟ مين وقف بوجك؟ بعرفك مش جبان مرق عليك كتير معارك من نهر البارد وشاكر العبسي لجرود عرسال وأبو مالك التلة وبكل معركة كنت تعمل عرس وتصنع مجد شو صار معك مبارح بجل الديب وبالزوق؟ ليش تراجعت؟ ليش بكيت هالقد؟ شو كان بدك تقول وعلقت الكلمة بتمك من كثر الوجع؟ شو اللي زعّلك هالقد وخلاك تتراجع وتنزوي وتشارك السما بدموع السما؟!


شفت قدامك رفقاتك بعرسال اللي انخطفوا واندبحوا والمسؤول عنن كان يوعد إماتن إنو ما رح ينام قبل ما يشوفن أحرار وهوي عارف إنن صاروا عند ربُّن برتبة شهيد؟ شفت السكين اللي انمدت ع رقابن ودبحتن عم تنمد ع رقاب أهلك قدّامك وهالمرة بدّن السكين تكون بإيدك؟!


شفت قدّامك مسؤول كذاب سرق الوطن منك وبدّو ياك تحمي؟ شفت قدامك اللي سرق حلم ولادك وخان شرفك وتنكر لتضحياتك وباع واستغل وفاءك عم يحكي بالشرف ويحاضر بالوطنية؟! شفت قدامك اللي سرق وطن بإمّو وأبو وجايي اليوم يكفي عالباقي؟!


بعتقد هودي قاسيين كتير وببكوا الحجر بس معقول يخلوك تتراجع وتستسلم وترفض تنفذ الأوامر؟ بحياة شرفك خبّرني يا وطن ليش هالقد انقهرت حتى انفجرت، يا الله شو صعبة عالرجال يبكوا!!!


شفت قدامك إمك عم تحط بجيبتك آخر قرش معها تتوصل إنت عالخدمة وهي تطوي النهار كلو ع لقمة خبز؟! شفت مرتك واقفة عالباب الصبح قبل طلوع الفجر عم تودعك وما بتعرف إذا بترجع أو لأ وكانت همسة بدينتك إنو البرّاد فاضي والشهر الماضي سلقِت رز ورضّعت بنتك الزغيرة زوم الرز لانو ما في حليب؟ شفت ولادك نايمين بفرشتهن عم يحلموا بالعيد وفي حرامي واقف ع باب مستقبلهم سرق منن أحلامن؟ أو تذكرت قسط المدرسة اللي انكسر عليك لانو بالهندسات المالية طلع معن ينزلوا المساعدات المدرسية من ٨٠ بالمية لل ٣٠ بالمية وما عم تندفع؟! أو تذكرت إنك بلا بيت لانو الشباب كمان بالهندسات المالية وقفوا إسكان الجيش والإسكان المدني أو يمكن مكسور عليك الاجار؟!!
أو شفت إختك اللي تعلمت وتخرجت قاعدة بالبيت ناطرة الفرج والفرج بعدو بعيد؟


أو شفت خيّك هوي وعم بيودعك عالمطار لانو لقى حالوا أقل من لاجىء بوطنو وصرت تحلف بغربتو لانك من دونو صرت من دون جناح؟!


أو شفت بيّك حاملك ع كتافو إنت وصغير وشايفك ومش مصدق  وهلق إنت مش قادر تحملو لانو تحاملوا عليك وتذاكوا ع معاشك مدو إيدن ع تعويضك وضماناتك وكرامتك وعزة نفسك؟!!


شو اللي قهرك هالقد؟ شفت وطنك عالارض عم ينضرب بعصا حراسو… عم يدعوس بإجرين ملوثة بدم الشهدا رفقاتك… عم ينشرب دمو بقلب بارد..


هالقد انقهرت وانوجعت تالكل انقهروا وانوجعوا وبكيوا متلك ويمكن أكتر

تسلم يا وطن ….


دموعك… دموع كل الوطن

Tags:
لبنان
ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

Top 10
إيزابيل كوستوريي
صلاة تحقّق المعجزات كتبها بادري بيو وطلب من ا...
أليتيا
في ظل المآسي المخيّمة على لبنان... صلاة يرفعه...
غيتا مارون
ما تفسير "من ضربك على خدّك الأيمن، فأدر له ال...
أليتيا لبنان
آيات عن الصوم في الكتاب المقدّس...تسلّحوا بها...
SAINT CHARBEL,CANDLE
أليتيا
صلاة بشفاعة القديس شربل تحقّق المعجزات
أليتيا
صلاة القديسة ريتا في الشدائد و الأمور المستحي...
Wonderland Icon
أليتيا العربية
أيقونة مريم العجائبية: ما هو معناها؟ وما هو م...
المزيد
النشرة
تسلم Aleteia يومياً