Aleteia logoAleteia logo
Aleteia
الثلاثاء 01 ديسمبر
home iconمواضيع عميقة
line break icon

كاهن يكتب: شو بينفع تتهمو بعض باللي صاير بالبلد وبهالوقت في ناس عم تموت من الجوع أو من الزلّ؟!

girl.jpg

billycm

الخوري نسيم قسطون - تم النشر في 02/10/19

شو بينفع تفتّحو ملفّات بعضكم البعض وقت تختلفو وتخبّوها وقت بتتفقو والمشكل بعدو موجود وحلول ما في؟!

شو بينفع؟!

شو بينفع تتهمو بعض باللي صاير بالبلد وبهالوقت في ناس عم تموت من الجوع أو من الزلّ؟!

شو بينفع تفتّحو ملفّات بعضكم البعض وقت تختلفو وتخبّوها وقت بتتفقو والمشكل بعدو موجود وحلول ما في؟!

كيف بدكم يصدقكم شخص بيشتغل بأقل من مليون ليرة بالشهر وانتو لاحقينو لتقشطوه مصاري بالمباشر أو بغير المباشر بالبنزين أو بالكهربا أو بالاشتراك أو بأسعار أو بفرق تصريف؟! وبنفس الوقت إنتو ما بتسترجو تدقّو بمصالحكم الكبيرة واللي فيها التمويل الحقيقي للدولة؟!

عندكم جواب لإنسان بيشتغل ٦ ايام بالأسبوع من الفجر للنجر ومقابيلو بعد في موظفين شبه ما بيشتغلو إلا كم ساعة وبيقضو معاش طويل عريض وما حدا بيدقّ فيهم لأنّو مدعومين؟!

شو فارقة معو اللي ابنو مريض وما قادر يحكّمو هلأ من وعود بشتي من الخيرات وهوّي مش قادر يقشع حتى غيمة جايي؟!

بتقنّعوه لهالمواطن إنّو لبناني بس مجبور يشتري بالدولار ويدفع بالدولار وبتعيشوه على أعصابو كل الوقت وبعد في الهوا ما نحطّ عليه ضريبة بالوقت اللي بعد في قسم من  الناس بتدفع ضرايبها وناس كتار كتار ما بيدفعو وما حدا قادر يدفّعهم؟!

بتشجعوه يزرع أرضو بس بتستوردولو من نفس الصنف من غير بلاد وبيموت الموسم وهوّي بيموت حرقة عا رزقو؟!

صرنا بمرحلة خطيرة: كم حدا معهم وأغلبيّة ما معهم… يعني شو بدكم؟ يسرقو؟ أو يموتو؟ أو ينطرو عا باب شي حدا ويصيرو مستزلمين لغير الله؟!

لأ يا جماعة…

مش كل الناس بطرانة ولا كل الناس عايشة سنوب…

روحو شوفو الناس الحقيقيّة… التعبانة والموجوعة… متل ما نحنا عم نعمل…

عم نوقف حدهم بس نحنا مش دولة… ولا ناويين نكون محل الدولة…

هالنصّ كلّو من وجع الناس اللي كل يوم بتحكيني…

بركي شي حدا بيسمع…

Tags:
لبنان
Top 10
إيزابيل كوستوريي
صلاة تحقّق المعجزات كتبها بادري بيو وطلب من ا...
أليتيا
في ظل المآسي المخيّمة على لبنان... صلاة يرفعه...
SAINT CHARBEL,CANDLE
أليتيا
صلاة بشفاعة القديس شربل تحقّق المعجزات
أليتيا لبنان
آيات عن الصوم في الكتاب المقدّس...تسلّحوا بها...
أليتيا
صلاة القديسة ريتا في الشدائد و الأمور المستحي...
غيتا مارون
ما تفسير "من ضربك على خدّك الأيمن، فأدر له ال...
الاب إدواد ماك مايل
هل القبلة بين الحبيبين خطيئة؟ هل من تّصرفات ...
المزيد
النشرة
تسلم Aleteia يومياً