Aleteia logoAleteia logo
Aleteia
الأربعاء 25 نوفمبر
home iconمواضيع عميقة
line break icon

معقول الناس يتدينو تيعملوا أول قربانة؟؟؟ وين الجوهر؟ وين الجوهرة؟ ليش يسوع بدو هيك؟؟!!! زفة ومطعم ولبس متل العروس وهدايا دهب!!!!

FIRST COMMUNION

AS Photo Studio | Shutterstock

الخوري كامل يوسف كامل - تم النشر في 22/05/19

أخبار الكنيسة اليومية عبر موقع أليتيا – تابعونا على الرابط التالي : https://ar.aleteia.org/

لبنان/ أليتيا (aleteia.org/ar)بيقول المثل الشعبي:” ع قد بساطك مدّ إجريك!!!” ومثل ثاني بيقول:” اللي بيعرف حدّو الله يرحم بيّو وجدّو!!!” والأمثال فيها حكمة وخبرة إنسانية كبيرة بيعلموها الكبار للزغار بطريقة مختصرة وحاسمة تتكون قاعدة للسلوك وحسن التصرف بالاوقات الصعبة…
ولبنان عم يمرق بأوقات كثير صعبة وأزمة مالية ومعيشية كبيرة، والحق مش دايماً عالدولة، الناس بيتحملو مسؤولية ظواهر مريضة صارت مفروضة علينا ومكلفة كتير..
كل مرّة بدّك تفوت عالمسبح بيفتشوك لأنو ممنوع تحمل معك أكل أو شرب، يمكن معن حق، بس يمنعوك تفوّت مي للشرب هيدا جنون، لأنو بكل بلاد العالم المي بتكون ببلاش، وما بتنباع ولا بتنحط عالفاتورة بتكون ضيافة المحلّ، الظاهر نسينا بلبنان النبع والنهر والساقية والسبيل والجرة والابريق!!!!
قبل كم سنة كان الأكل يكون بالبيت مع العيلة وبالمناسبات الكبيرة بيكون بالمطعم واذا شي حدا اشترى أكل خالص ع بيتو كل العالم يستغربو وبيقولو حرام مرتو ما بتطبخ بالبيت، اليوم صار الأكل بالمطعم كتير طبيعي والدليفري عالبيت أكتر من طبيعي واللي بياكل ببيتو مش طبيعي!!!
قبل كم سنة كانت أول قربانة تصير بالمدرسة وما كانت تكلف شي،الناس اعتبروها تجارة!!! وطالبوا تصير بالرعية منعاً للمتاجرة وزيادة المصروف عالاهل… اليوم وين صارت؟؟ بعدا أول قربانة أو عرس أو مهرجان!!! معقول الناس يتدينو تيعملوا أول قربانة؟؟؟ وين الجوهر؟ وين الجوهرة؟ ليش يسوع بدو هيك؟؟!!! زفة ومطعم ولبس متل العروس وهدايا دهب!!!!
قبل كم سنة ما كنّا نسمع بحفلات التخرج من المدرسة، يعني قالب غاتو بالبيت وكان يمشي الحال وبكل الأحوال والظروف المحيطة ما حدا يتكلف ويكلف حالو.. اليوم بدّك تعمل ميزانية مش بس للتخرج من الثانوية العامة وقبل الامتحانات الرسميه، في التخرج من الغاردوري والتخرج من الروضة والتخرج من الابتدائي والتخرج من التكميلي….
ما بعرف ليش منشتري مي وعنا مي؟؟!!
ما بعرف ليش صار الأكل الصحي والطبيعي بالبيت مش صحي ومش طبيعي؟!!
ما بعرف ليش بس زادت الاحتفالات الدنيوية بالمناسبات الدينية قلّ الدين وخفّ الايمان؟!!!
ما بعرف ليش بس درجت حفلات التخرج زادت نسبة الأمية بين المتخرجين وارتفعت نسبة العطلجية؟؟!!!
إذا كان مجتمعنا مجتمع عندو تبعية للغرب وبيقلدو بعاداتو وتقاليدو وبيعتبر كل شي “فرنجي برنجي” خلينا نقلدهن بشي منيح: بالاقتصاد والسياسة، بالديمقراطية والحرية، بقيمة الإنسان والإنسانية وحقوق الإنسان والحيوان، بالسلام والفرح، بالعلم والمعرفة والثقافة والفن والأدب والتكنولوجيا….
خلينا نقلدهن بالشغل بذمة وضمير ونظافة الكف والبيئة والطبيعة والأخلاق والبساطة بالعيش والتواضع!!! ونعيش متلن يعني ع “قدّ بساطك مدّ جريك”!!!! ومن دون كلفة وأزمات وويلات…

انضمّوا إلى هذه الصفحة التابعة لأليتيا لتصلكم أخبار اضطهادات المسيحيين في الشرق والعالم:

ALETEIA

العودة إلى الصفحة الرئيسية

ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

Top 10
MAN IN HOSPITAL
المونسنيور فادي بو شبل
إذا كنتَ تُعاني من مرضٍ مستعصٍ… ردّد هذه الصل...
أليتيا
في ظل المآسي المخيّمة على لبنان... صلاة يرفعه...
I media
دانيال، الشابة اللبنانيّة التي لبّت نداء البا...
AVANESYAN
أنجيليس كونديمير
صوت تشيلو يصدح في احدى الكنائس الأرمنيّة المد...
غيتا مارون
ما تفسير "من ضربك على خدّك الأيمن، فأدر له ال...
غيتا مارون
أمثولة شديدة الأهميّة أعطانا إيّاها مار شربل
غيتا مارون
إلى كل الحزانى والمتألمين… ارفعوا هذه الصلاة ...
المزيد
النشرة
تسلم Aleteia يومياً