Aleteia logoAleteia logo
Aleteia
السبت 31 أكتوبر
home iconقصص ملهمة
line break icon

قالوا عنهما مجانين: “علي” و “جوني” مشوا ١٥٫٣٠ ساعة ليصلا الى مار شربل

هيثم الشاعر - أليتيا - تم النشر في 06/05/19

مساعد قائد فوج ملكارت جوني سنجب والجوال علي بيضون مشيوا ١٥٫٣٠ ساعة من دون توقّف من كنيسة السيدة للسريان الأرثوذكس في النبعة لبنان، لعنايا مار شربل.

فوج لا مقر له، ومقره قلوب المحبين.

همّ الشباب مساعدة المحتاجين وحب الوطن، ويبقى الايمان علامة فارقة تجمع الشباب.

ما في أحلى من شباب تقدّم عرقها وإيمانها في سبيل خدة الآخر، في سبيل لبنان، والانسان والله طبعاً.

تابع

مش المرّة الأولى لي شباب يتمشي على عنّايا، صوب ربنا.

بمارس 2014، شادي السبعلي ، ايلي اسود، ريا اشقر، ترايسي اشقر راسلوا اليتيا لينشروا قصة مشوارهم على طريق الايمان من بكفيا الى ممار شربل عنايا.

اجت الفكرة باوائل شهر ايلول 2016 من بعد ما قرينا مقالة على صفحات احد مواقع التواصل الاجتماعي عن شبين مشيوا من عين ابل على ضريح القديس شربل بدير مار مارون عنايا. تحمسنا و قلنا ليش نحنا ما منعمل نفس مسيرة الصلاة.

من بعد ما حددنا الموعد كتار انتقدونا و تهكموا علينا و كتار قالوا انتو مجانين و مستحيل توصلو.

كان الانطلاق نهار السبت 24 ايلول الساعة 3 بعد الظهر من بكفيا المصادف عيد القديسة تقلا.

“كل واحد منا حمل نية بقلبو و مشي. و مش عارفين ايمتى معقول نوصل وكم ساعة ممكن ياخد معنا المشوار او ازا رح نستسلم قدام التعب و النعس يلي معقول نواجهن بالمشوار.

تابع

اخدنا طريق وادي نهر الكلب وصولا لجونية و كملنا على الطريق البحري. بس وصلنا على طبرجا تعرضت ريا لوجع كبير باجرا جبرا توقف المشي و ترتاح عند عمتها على انو ترجع تلاقينا تاني نهار و تكمل معنا المشوار مع اختا ترايسي على مار شربل.

كملنا انا و ايلي المشوار و كان عنا محطة رياحة بالعقيبة على شط البحر.

بمنطقة حالات تعرض ايلي لاصابة كبيرة باجرو كادت انو تمنعو من متابعة المشوار . لكن الايمان و الاصرار كانو اقوى من الاصابة.

و كملنا صوب جبيل و هون حسينا بقوة الهية غريبة معنا. بس بلشنا طريق الطلوع صوب عنايا ما عدنا حسينا باي اثر للتعب و الوجع ولا اي اثر للاصابة عند ايلي. حتى انو لقينا عصي على جنب الطريق كرمال نعكز عليهن بالطلوع من بعد ما تمنيا انو يا ريت جبنا معنا عصي و كأنو مار شربل حطن بطريقنا.

بلشنا نصلي المسبحة و نسمع تراتيل للعدرا و لمار شربل بين كل بيت و بيت. كنا عم نحس بفرح داخلي غريب.

بين الساعة 3 و الساعة 5 بعد نص ليل قطعنا طرقات ما فيا ضو و لا سيارة مارقة و ما كنا عم نسمع الا اصوات كلاب داشرة حوالينا بس انسجامنا بالصلاة و اصرارنا على الوصول على عنايا ما خلونا نحس بكل هل مخاطر.

الساعة 6 الصبح اول طلوع الضو وصلو ريا و ترايسي بسيارة التاكسي كرمال يكملو معنا المشوار. و كملنا نحنا الاربعة المشي، نصلي شوي و نرتاح شوي لحد ما بلغنا اول عنايا و طل علينا دير مار مارون ضريح القديس شربل و هون كان الاحساس الاجمل و الاروع يلي ممكن انسان يشعر فيه و من دون مبالغة حسينا كانو وصلنا عالسما.

تابع

الساعة 9 الصبح بالظبط وصلنا عالدير اي من بعد60 كلم ب 18 ساعة مشي من دون نوم. ركعنا قدام تمثال مار شربل و صلينا و ذكرنا نوايانا و نوايا كل الاشخاص يلي طلبو انو نذكرن بصلاتنا و كنا عم نحس بالاحساس الاروع و بسعادة داخلية لا توصف

قدسنا على الساعة 10 شاركنا بخدمة القداس و قرينا النوايا بالرغم من التعب و النعس يلي كان عم بسيطير علينا.

كتار من الاشخاص يلي بسافرو على اماكن ظهورات العدرا متل مديغورييه و غيرا بيرجعوا و بخبروا عن احاسيس و سعادة بحسوها ما بتنوصف، خلال رحلتنا نحنا هيدا الشي حسيناه هون بلبنان بمشوارنا ع مار شربل…

هدفنا من نشر قصتنا مش التباهي . هدفنا نقول لكل العالم انو يلي عندو ايمان و اصرار ما في ولا قوة بالكون و لا اي مخاطر ممكن تخلي يستسلم و ما يوصل لطريق الرب.

وهدفنا كمان انو نفرجي لكل الشباب يلي بعمرنا يلي بتحججوا انو ما عندن وقت ليقدسو او ليصلو انو هيدا منا الا اعذار وهمية بوقت يلي عم يضيعو ساعات و ساعات حاطين الارغيلة او عم يشربوا او عم يتسلو على مواقع التواصل الاجتماعي….

انشالله بالمستقبل منقدر نعمل مسيرات حج اطول و نزور كتير اماكن دينية اكتر و نكرم كل القديسين بلبنان”.

قرابين قدّاس عيد القديسة رفقا انحملت ٥٥ كلم سيراً على الأقدام من أيطو الى جربتا

عشية عيد القديسة رفقا 2019، قام فريق دروب القديسين من شبيبة البابا يوحنا بولس الثاني 2 Clan Jean Paul بمسيرة: من دير مار سمعان أيطو وصولاً إلى ديرمار يوسف جربتا حاملين قرابين قداس العيد.

“خبز وخمر ومي” مسافة ٥٥ كم سيراً على الأقدام.الساعة التاسعة من ليل الخميس ٢١ آذار ٢٠١٩ صلّوا صلاة الارسال في دير مار سمعان أيطو مع راهبات الدير والأب عبود عبود الكرملي.

تابع

انطلقوا على درب رفقا من أيطو مروراً بكرمسدة وكفرفو، راسكيفا وداريا، كفرعقا وأميون، بزيزا ووطى فارس وصولاً الى المجدلحيث كانت محطة الصلاة الثانية امام كنيسة القديسة مريم المجدلية، تابعوا نحو كفتون ووادي نهر الجوز ومزرعة النهرية وبقسميّا حتىوصلوا الى كفرحيّ حيث كانت المحطة الثالثة والاستراحة في مطرانية البترون ومنها نحو بجدرفل وكفيفان ارض القديسَيْن حيث صلّوا البيت الرابع من مسبحة الوردية.

الساعة الثالثة من بعد ظهر الجمعة ٢٢ آذار وصلوا الى دير مار يوسف جربتا حيث المحطة الخامسة والاخيرة، وكان في استقبالهم

راهبات الدير وعلى رأسهم الأم ميلاني مقصود رئيسة دير مار يوسف جربتا والأب ريمون عبدو مرشد شبيبة Clan Jean Paul 2والرئيس الاقليمي للرهبنة الكرملية،

وبعد مسيرة دامت ١٨ساعة قُدّمت القرابين المحمولة من أيطو لسيادة المطران منير خيرالله راعي ابرشية البترون الذي ترأس الذبيحةالالهية في دير مار يوسف جربتا وقال في عظته:

“”منحيّي شبيبة البابا يوحنا بولس التاني يلي بدنا نسمّين “مغاوير يسوع المسيح والكنيسة” عودونا بكلّ عيد قديس او قديسة يعملوا مسيرةصلاه من بيت القديس او ديرو لضريحو، مبارح بالليل بلّشوا مسيرتن بالصلاه من دير مار سمعان أيطو يلّي ترهّبت فيه القديسة رفقالمزارها وديرها هون بجربتا.

بهالمسيرة هنّي وعم بيصلّو رجعو مشيو مش بس المسيرة الروحية للقديسة رفقا.. مشيو المسيرة الروحية لكل آباءنا القدّيسين من بطاركةومطارنة ونسّاك ورهبان وراهبات وبيّات وإمّات .. بروحانية مار مارون النسكية.

العودة الى الصفحة الرئيسية

ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

Tags:
مار شربل
صلاة اليوم
اليوم نحتفل أيضاً بـ




Top 10
هيثم الشاعر
مذبحة داخل مدرسة مسيحية ضحيّتها أطفال أبرياء
هيثم الشاعر
الشتائم تنهال على الممثلة اللبنانية نادين نجي...
أنياز بينار لوغري
هجوم بالسكين قرب كنيسة في نيس والحصيلة ثلاثة ...
OLD WOMAN, WRITING
سيريث غاردينر
رسالة مهمة من إيرلندية تبلغ من العمر 107 أعوا...
هيثم الشاعر
رئيس وزراء ماليزيا السابق في أبشع تعليق على م...
غيتا مارون
في لبنان… قصدت عيادة الطبيب، لكنها تفاجأت بتس...
Medjugorje
جيلسومينو ديل غويرشو
ممثل البابا: "الشيطان موجود في مديغوريه، ولا ...
المزيد
النشرة
تسلم Aleteia يومياً