أليتيا

الحكومة اللبنانية حزينة… حداد ٣ أيام في لبنان وتنكيس الأعلام بسبب موت “وائل”

rose.jpg
مشاركة
أخبار الكنيسة اليومية عبر موقع أليتيا – تابعونا على الرابط التالي : https://ar.aleteia.org/

 

لبنان/ أليتيا (aleteia.org/ar)وائل، قرر يعمل من لبنان وطن حضاري فقام التخلّف بقتله.

قرّر إنو يقود دراجته الهوائية ويخبر العالم أنّ لبنان بلد الحياة ايضاً، فجاء الموت ليصطاده كما اصطاد غيره من الشباب.

اذكر يوم كنت زغير، كان يموت حكّام العرب رحمهم الله طبعاً، كان البلد يعيش حالة حداد وتنكيس للأعلام وتضع التلفزيونات الموسيقى الكلاسيكية الحزينة.

وقتها، ما كان في “دشّ”، وكنّا مجبورين نعيش الألم والحزن مع أشقائنا العرب، يا ليت هنّي كمان أعلنوا الحداد ونكّسوا الاعلام بسبب إشعالن الحرب بلبنان.

بعدنا كل ما توفّى حاكم عربي منبكي ومن هاشتاغ لهاشتاغ بتولع وسائل التواصل وكأنّو لي توفّى هوّ ابن تنّورين أو العاقورة أو جزّين أو عكار أو…

نحنا شعب منحبّ نشارك الآخر أفراحوا وآلاموا،

يعني اذا تزوّج جورج كلوني لبنانية، منفرح،

اذا انفجرت قارورة غاز بباريس، منحزن،

 

اقرأ ايضاً

اليوم “وائل” وبكرا شخص تاني…السؤال: لي دهس وائل كان عامل فحص سواقة بلبنان وميكانيك؟

 

عأساس هنّي سئلانين عنّا وطربوش جدنا معلّق بالشانزلزيه.

كل ما إجا موفد اجنبي للبنان، منسكّر الطرقات، وكل ما مرق زعيم، بيوقف البلد،

ايه، هودي كلهن بيحقّلهن، بس إنّو كل يوم عم يموت ناس على طرقات الذلّ بلبنان بسبب سوء حال الطرقات وإهمال الدولة، هيدا بالنسبة لسياسيين لبنان ما خصهن فيه.

إنّو الشعب يوقف ساعات وساعات بعجقة السير من سنين وسنين، وينعمل جسر غريب عجيب هون وهونيك، وكأنّو كل شي تمام، هيدا كمان ما منعيرو أهميّة.

إنو يموت “وائل” وغيرو على طرقات مهملة مهترئة وسائقين مجنونين، شي عادي؟!!!

كم لازم يموت شاب وصبية بعد؟

وينيي الدولة؟ شعار انتشر بلبنان، والسؤال يبقى؟ وين الشعب لي بدو يحاكم لي عم يموتوه ليل نهار؟

ما تصدقو إنو ممكن دولة تستقيل أو تعمل خطوة في سبيل شبابها، كل همهم تنتخبوهن بس.

وبدل ما ننكّس الدولة الأعلام عقصص ما خصها فينا، يا ريت شي تلات ايام حداد على هل شباب لي عم تموت وتقضّي حياتا عل طرقات.

يرحم الجميع والله يساعد لبنان.

 

انضمّوا إلى هذه الصفحة التابعة لأليتيا لتصلكم أخبار اضطهادات المسيحيين في الشرق والعالم:

ALETEIA

العودة إلى الصفحة الرئيسية

ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

النشرة
تسلم Aleteia يومياً