Aleteia logoAleteia logo
Aleteia
السبت 05 ديسمبر
home iconمواضيع عميقة
line break icon

عاجل!!!! الى جميع اللبنانيين... هذا ليس كلام في الهواء، هذا واقع خطير!!

أليتيا - تم النشر في 09/01/19

لبنان/أليتيا(aleteia.org/ar)كتب الخوري نسيم قسطون:

ببلدي في طرقات بس في مشكلة سلامة…
ببلدي في قوانين بس في مشكلة بتطبيقهم…
ببلدي في وطن بس في نقص بالمواطنين…
ليش؟
أ- لأنّو في عنّا طرقات بس ما في مواصفات تحمي اللي ماشيين عليها…
* لأنّو بتمرق أوّل ورشة وبيجي الزفت وبيرجعو بيحفرو ليمرقو التلفون وطبقة زفت من بو قريبو وبعدين من جديد بيحفرو كرمال الكهربا أو حيلا شي وبيزفّتو من جديد بس بطبقة ما بتضاين قدام الشتي… والمواطن اللي ما مرق عهالطريق حايد عن ضهرو بسيطة…
* لأنّو في عنّا إنارة بس بتضوي بالنهار وبتنطفي باليل والحق مش عالكهربا قد ما هوّي الحق عاللي تعوّد عالشواذ وصار هوّي القاعدة عندو…
* لأنّو في رادار وكاميرات عالأوتوستراد بس ما في عازل متل الخلق ولا بنى تحتيّة تصرّف المي أو تحمي من الأنهيارات بس مش الحق عالطريق لأنّو بيطلع الحقّ عاللي قرّر ينزل عا شغلو عا هيك طريق…

ب – لأنّو في تعليم بس ما في تربية…
في مين يعلّم وفي مين يتعلّم بس في مشكلة بالتربية لأنّو لو تربّى الصح بمدرستو المواطن ما كان بيكبّ زبالتو من الشبّاك هوّي وسايق وبيصير يلوم بعدين المجاري إذا سكّرت!
ولو صح في تربية، كان بيطلع “مواطن” مش “موافق” عا كل شي طالما بعيد عنّو وما بيدقّ بمصالحو!
أكيد أهين تعطّل مؤسسات طويلة عريضة من إنّو تخلّيها مجهزة صح والأضرب إنّو اللي مجهزة مجبورة تلحق اللي مش مجهزة… يعني حلقة مسكّرة!

ج- لأنّو في إعلام بس في نقص حقيقة…
الإعلام رح يصوّر كوارث العواصف بس ما رح يغيّر شي ولو سمّى المسؤول اللي مش مسؤول ورح يبقى كل شي متل ما كان طالما النسيان نعمة والحلم بكسر حلقة التقصير بخبر كان…

بس مش الحقّ عالبلد، ولا حتّى عالدولة لأنّو كل واحد بيحصد نتيجة اللي زرعو واللي ختارو وقصّر وبعدين ما حاسبو..
البلد منيح كتير بس الحقيقة نحنا اللي خاربينو إذا ما بلّش كل واحد من حالو…

صرخة من القلب

العودة الى الصفحة الرئيسية 

Tags:
الوضع في لبنان
Top 10
إيزابيل كوستوريي
صلاة تحقّق المعجزات كتبها بادري بيو وطلب من ا...
SAINT CHARBEL,CANDLE
أليتيا
صلاة بشفاعة القديس شربل تحقّق المعجزات
أليتيا
صلاة القديسة ريتا في الشدائد و الأمور المستحي...
bible
فيليب كوسلوسكي
٥ آيات من الكتاب المقدس لطلب الشفاء من اللّه
ishtartv
مطران عراقي يتشجع ويطلب من ترامب ما لم يطلبه ...
الاب إدواد ماك مايل
هل القبلة بين الحبيبين خطيئة؟ هل من تّصرفات ...
أليتيا لبنان
آيات عن الصوم في الكتاب المقدّس...تسلّحوا بها...
المزيد
النشرة
تسلم Aleteia يومياً