أخبار حياتية لزوادتك اليومية

لست مستعداً للتبرع؟

إليك خمس طرق يمكنك أن تساعد أليتيا من خلالها

  1. صلي من اجل فريقنا ونجاح مهمتنا
  2. تحدث عن أليتيا في رعيتك
  3. تقاسم مضمون أليتيا مع أصدقائك
  4. أوقف الـ ad blockers عندما تقرأ أليتيا
  5. تسجل في نشرتنا المجانية واقرأ المقالات يومياً

شكراً!
فريق أليتيا

تسجل

Aleteia

جواب من تلميذ على المدرسة التي طالبته بالقسط دون أخذ وضعه بعين الاعتبار ” الصورة يمكن عادية، بس اللي دايقا، بيعرف قيمتا “

STUDENT,HOMEWORK
Shutterstock
Share

 

لبنان/ أليتيا (aleteia.org/ar) عطونا نَفَس ” بيتنا تعبان، بوابو بِتفَوّت برد، حيطانو قد ما رقاق، الجيران بيسمعوا كل شي منعملو. تلفزيونا قديم، كنت حابب جيب واحد جديد، شاشتو كبيرة، صورتو حلوة، بس بيي مش قادر

 

حديد بُرادنا مهتري، كان عند ستّي، وما كانت عايزتو وعطيتنا ياه لأنو قدرتنا ما بتحمُل نجيب براد جديد. تعودت عالمجدرة، عالرز ولبن، عالبرغل ع بندورة، عالمعكرونة بحليب اللي منضحك ع حالنا ومنسميا Nouille.

 

تعوّدت عالسجادة القديمة، اللي قد ما أكلت من إجرينا سنين، صار كتير عليا نعتبرا بتدفي، بس بالموجود، جود.

 

بعرف قيمة الإشيا وبحافظ عليا لأنو بعرف إذا بشغّل راس بيي إنو ناقصني شي، رح يزيد ع ديونو دين كرمال يأمنلي ياه.

 

إمي وبيي بينامو ع الأرض ع فرشة صغيرة، وأنا وإخوتي راضيين بتختين خشب، تختين خلّوني إحلم أنا ونايم عليُن، بمستقبل كبير، تَـ عَوّض.عطونا نَفَس، اسمحولنا نعوّض، اسمحولي إفتخر بعلاماتي قدام الناس، وإفهم إنو هيك علامات بتفتحلي نفسي عالدرس، عالمستقبل، ع البكرا الحِلو، على كل نقطة عرق نزلت من بيي كرمال كفّي الطريق للآخر رغم الفقر والحاجة، بيي ما قصّر معي، حطني بأحسن مدرسة ( ع أساس)، كانت صورة هالمدرسة حلوة، ولمّا تغيّرت ظروفو، صارت الصورة الحلوة تبع المدرسة، صورة بشعة، صورة مصاري وقلة إحترام للإنسان. الهيكل كبر عليكُن كتير، وصار وقت إنو يسوع يكسّر هالهيكل. وغير هيك الله يسامحكُن

 

جوني مخيبر ملاحظة: الصورة يمكن عادية، بس اللي دايقا، بيعرف قيمتا.

 

 

العودة إلى الصفحة الرئيسية

Aleteia's Top 10
  1. Most Read
Newsletter
Get Aleteia delivered to your inbox. Subscribe here.