أخبار حياتية لزوادتك اليومية

لست مستعداً للتبرع؟

إليك خمس طرق يمكنك أن تساعد أليتيا من خلالها

  1. صلي من اجل فريقنا ونجاح مهمتنا
  2. تحدث عن أليتيا في رعيتك
  3. تقاسم مضمون أليتيا مع أصدقائك
  4. أوقف الـ ad blockers عندما تقرأ أليتيا
  5. تسجل في نشرتنا المجانية واقرأ المقالات يومياً

شكراً!
فريق أليتيا

تسجل

Aleteia

في لبنان هديّة مفخّخة من مدرسة مسيحية لتلاميذها…شظاياها أصابت الجميع

CHRISTMAS
Aleksei Potov - Shutterstock
Share

لبنان/ أليتيا (aleteia.org/ar) اسمحولي احكي بالدارج، باللغة لي منفهمها كلنا ومنحكيها.

كتار حكيوا عن هيدا الموضوع وبعدن، والقهر صار كبير، والدمعة جفّت.

كتار تداولوا الرسالة وصارت حديث الناس والشارع المسيحي عم يغلي.

بتسأل نفسك: هل الصورة مركّبة؟ بيجيك الجواب: لا، حقيقة، وحقيقة مرّة.

بتسكت، بتحني راسك، بيدمعوا عينيك، وبتقول: يا ربي، انشالله ما تكون حقيقة.

بترجع بتقتّح عينيك، بترفع راسك لفوق، لعند ربك، وبتقول: يا رب، صار الوقت انّك ترجع لعنّا، متل ما وعدتنا.

هديّة العيد من مدرسة مسيحية مش لعبة ولا علبة تياب ولا كتاب ولا قونة ودخيرة، هديّة العيد بكّت ولاد وأهل ما عاد فيهن عم يشحدوا اللقمة، وشارع مسيحي ثار وعل قهر في ناس بكيت.

 

من شي مية سنة بحرب عالمية، قرّر رئيس عام الرهبانية اللبنانية المارونية اغناطيوس داغر التنوري يرهن أراضي الرهبنة للفرنساويي، وباع صليبو وخاتمو ليطعني الناس الجوعاني.

 

إقرأ أيضا

قامت الدنيا وما قعدت على رسالة مدرسة للأهل عن قسط المدرسة… وجاء الجواب ولا بد من القراءة

 

من زمن مش ببعيد، كان في كاهن اسمو يعقوب حدّاد الكبّوشي عم يجاهد بنشر كلمة الله، ويكافح لأجل تعليم الفقرا وأسّس عدد كبير من المدارس المجّانيّة. كانت الحاجة المادّيّة كبيرة وملحّة لإطعام اليتامى ودفع أتعاب المعلّمين وخدمة الكهنة المرضى كانت تتطلّب مبالغ ماليّة كبيرة.

بأحد الأيّام أرسلت امرأة من عيلة بيروتيّة للأب يعقوب تخبرو برغبَتِها بتنظيم حفلة راقصة يعود ريْعا لمؤسّساتو.

بعتلها جواب مقتضب:

شكرًا لا أريد إطعام الفقراء من مال الخطيّة.

وهيك القديسين، بعزّ الأزمة، ما بيستسلموا لوضع مالي، بيبيعوا لي عندن ليطعموا شعبن، وبيقاتلوا الشيطان لما يغلغل بالكنيسة.

والشاطر يفهم.

 

العودة إلى الصفحة الرئيسية

Aleteia's Top 10
  1. Most Read
Newsletter
Get Aleteia delivered to your inbox. Subscribe here.