Aleteia logoAleteia logo
Aleteia
السبت 31 أكتوبر
home iconأخبار
line break icon

يا أهالينا بتوجهلكم بهالنداء المسيحي من القلب للقلب... بترجّاكم تقروا للآخر

بولس الحاج - تم النشر في 03/12/18

لبنان/ أليتيا (aleteia.org/ar) بكرا المسا، ليلة عيد القدّيسة الشهيدة مورت بربارة.

وهي على الأكيد ما كانت تحكي عربي – غربي مشكّل، لغتنا الحاليّة كلبنانيين، لأنو هيدي اللغة بالشكل المشوّه يللي عمال نستعملوا هالإيّام، نحنا معشر المسيحيين المدّعين الثقافة والتطوّر، المبرمجين على تحوير الكلمات، والأسماء، مع اللعب على الألفاظ بالطريقة الزقاقيّة السخيفة، ما كانت انوجدت بعد على إيّام هالصبيّة المسيحيّة المؤمنة نشكر ربّنا!

ولا هي كمان من سلالة بتنتمي للبربر أو البرابرة. ويعني مش عيد البربارة، لأنّها قدّيسة شهيدة إيمانها المسيحي بس!

ويعني أيضا منّو عيد الأقنعة والأمور الدنيويّة التافهة، متل عادة الهالوين الشيطانيّة!!!

أنا مع العودة للجذور، حتال يضلّ عنّا أمل بتربية جيل جديد، عندو حد أدنى من عاداتنا الجبليّة المسيحيّة التراثيّة، القائمة على التمسّك بالأغليين، الإيمان بالرّب الثالوث الأقدس الإله الواحد الحقّ، والحريّة المسؤولة والبنّاءة.

بكرا بحبّ كتير عيّد معكم، وإرجع طفل زغير، ألبس قناع الخروف يعني الحمل، والدبّ، والسعدان، والثعلب، والهندي الحكيم الختيار… وأبرم عالبيوت، وعرّف عن حالي مع مجموعة أصحاب، ونتسلّى، ونغنّي هالغنيّة الحلوة الكلّها معاني إيمانيّة: ” هاشلة بربارة والقمح بالكوارة…”؛ بس ما بحبّ أبدا، ألبس قناع الإرهاب والجريمة، وكلّ شي سيء جايي من برّاتنا، من الخارج الغريب عن تقاليدنا الحلوة الصافية متل ميّة الينبوع التقي بجبالنا البعدها خضرا!

يا أهالينا، تفضّلوا احملوا مسؤوليّاتكم التاريخيّة تجاه ربنا وكنيستو، وتثقّفوا وثقّفوا ولادكم، ووعّوهم على حقيقة طريق ربنا يسوع المسيح، وعلى حب كنيستو، يعني الجماعة المصليّة، وعلى أهميّة الإلتزام النوعي والعددي بتعاليم الكنيسة الرّسوليّة الأنطاكيّة الجذور، وعلى الترانيم الكنسيّة الليتورجيّة، يللي بتنبع من اللاهوت ومش من نتعات غير كنسيّة، بتنتمي لجماعات ما بتشبهنا ولا بتشبه ماضينا ولا حاضرنا ولا مستقبلنا بهالشرق المسيحي، ومش أشباه ترانيم أوأغاني سطحية سخيفة بتحكي ربنا بالصفة الفرديّة الأنانيّة!

بكرا أهمّ عمل منقوم فيه، هوّي القدّاس، شاركوا بصدق وإيمان بالقدّاس، وتعلّموا معاني رمزيّة القمح يللي منصنع منّو خبز التقدمة: القربان المقدّس بسرّ الإفخارستيّا.

ما حدا يرمي االقمح بالزبالة، يللي زهق من قمحاتو، يودّيهم لعند النّاس البسطا الجوعانين بصمت وقداسة، وأنا كلاهوتي مختصّ بلاهوت الكتاب المقدّس – العهد الجديد، بسفر رؤيا القدّيس يوحنّا، بأكدلكم، أنو كلّ عمل زغير من هالنوع، هوّي خطوات جبّارة نحو حياة الأبد بالملكوت السماوي، مع القديسات والقدّيسين الشهداء الأبرار، أمتال بربارة وتقلا، واكويلينا، وخريستينا…

كلّ عيد قديسة بربارة الشهيدة، وإتنو ووطنا لبنان بخيرات ونعم ربّنا!!!

بولس الحاج

العودة إلى الصفحة الرئيسية

ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

Tags:
القلب
صلاة اليوم
اليوم نحتفل أيضاً بـ




Top 10
هيثم الشاعر
مذبحة داخل مدرسة مسيحية ضحيّتها أطفال أبرياء
هيثم الشاعر
الشتائم تنهال على الممثلة اللبنانية نادين نجي...
أنياز بينار لوغري
هجوم بالسكين قرب كنيسة في نيس والحصيلة ثلاثة ...
OLD WOMAN, WRITING
سيريث غاردينر
رسالة مهمة من إيرلندية تبلغ من العمر 107 أعوا...
هيثم الشاعر
رئيس وزراء ماليزيا السابق في أبشع تعليق على م...
غيتا مارون
في لبنان… قصدت عيادة الطبيب، لكنها تفاجأت بتس...
Medjugorje
جيلسومينو ديل غويرشو
ممثل البابا: "الشيطان موجود في مديغوريه، ولا ...
المزيد
النشرة
تسلم Aleteia يومياً