يا انا ما عم تابع يا انو رجال الفكر المصلحين بهالوطن غايبين أو مستقيلين او اشتروهن السياسيين… وينكن تكتبوا وتنوروا الدني بفكركن
في كتير قصص تحكوا فيها
كتبوا عن الأطفال وحقوقهن أطفال الشرق كلو مش بس لبنان
كتبوا عن المرأة وجمالها وانوثتها ولطافتها وثقافتها واحترامها
كتبوا عن الشباب المناضل المؤمن بالوطن والزواج والعيلة
كتبوا عن الاعلام و رسالتو
كتبوا عن رجال الدين ودعوتهن وصورتهن
كتبوا عن الأدب والمطالعة
كتبوا عن تراثنا وكيف وبأي طريقة لازم ننقلوا لاجيالنا
وانتقدو ليش لأ انتقد الكل بحب وب وعي ما تجرحوا بس ما تسكتو
انتقدو البنت اللي بتتزوج عن مصلحة
والشب اللي بيفطر قلوب البنات بكذبو وتدجيلو
والأستاذ بالرسمية وبالجامعة اللي آخر همو العلم
والطبيب اللي نسىي قسمو والدكنجي اللي بغللي وما بيشبع
وصاحب المصلحة الكذاب المنافق
حكوا عن كل شي الفحش الجهل السطحية الكذب الرشوة السرقة الواسطة النصب.. عن التزلم والتحزب والتكرس
إذا القانون مغيّب ورجال الدين غايبين والدولة مدري وين مع انكن تعرفو وين.. ما بيبقى الا انتو ل تحكوا
عم بشعر بمجاعة عم تقضي علينا مجاعة للأخلاق للثقافة للمتفوقون عم أشعر ب خوف على كنيستي ووطني بكل طوايفو وشعبي
الوقت عم يمرق وانتو ساكتين ويمكن أنا اللي مش عم اسمع بس اذا كنتوا فعلا ساكتين حكوا
بترجاكن تحكوا وما تتعبوا ولا تستقيلوا
كتبوا وحكوا
