Aleteia logoAleteia logo
Aleteia
الجمعة 04 ديسمبر
home iconمواضيع عميقة
line break icon

أنا مع العدرا لاء أنا مع يسوع...أنا مع البابا لاء أنا ضدو...استحيوا بقا

pixabay

هيثم الشاعر - أليتيا - تم النشر في 05/06/18

فرنسا/أليتيا(aleteia.org/ar)بتمنى توصل هل رسالة لكل انسان “فاتح على حسابو” على فايسبوك.

يا أحبائي، عم نشوف ونقرا أمور ما عادت تحتمل، ناس مع يسوع، وناس مع العذرا، وناس مع البابا وناس ضد البابا.

هيدي مش كنيسة يسوع.

لحظة لبيخونك ايمانك، ما تشتم، ولا تجرّح، واذا صارت إنك حقدت أم شتمت، اعتذر، هيدي فيها تواضع وبطولة مسيحية.

مين قال إنو الكنيسة هيي مع كاهن ضد آخر؟ مين لي ألكن إنو انت أو أنا عنّا السلطة لنضوّي على ايمان الكنيسة الصحيح؟

اخوتي،

الكنيسة منا محصورة بسلطة كنسية، ولا بعلماني مستشرس ليدافع عن كنيستو أو شاف بالكنيسة مجموعة بترويلو عطشو وغيران عليها، الكنيسة عمرها 2018 سنة.

الكنيسة هودي كلهم، الكنيسة هي أنا وانت والبابا والبطريرك والمطران والكاهن والشماس…بس، الطاعة، لي ما بدو يطيع، لي بدو يضلّ يستعمل لغة الحقد والكراهية والشتمية، و”أنا لي بفهم بس”، هيدي منّا مسيحية.

الشيطان مبسوط، مبسوط بكم كاهن حابب يعرض حالو على مواقع التواصل والتلفزيون، مبسوط بكم علماني مفتكر إنو بيملك الحقيقة…

لي عم نعملوا ببعض نحنا المسيحية عيب كبير.

حتى سياسة التفرقة دخلتوها عل كنيسة.

صلّوا، صوموا، اصمتوا، لأن نحنا بحاجة لصمت كبير.

اخوتي، وقفوا رجاء لغة التهكّم والحقد على بعض.

اكيد، صحّح لخيّك ايمانو بالمحبة، مش بالسخرية وإنزال ويلات السماء عليه.

أنا شايف الشيطان مبسوط، والعدرا مش مبوسطة، وعلى الرغم من انو الكنيسة مشكورة اصدرت وثيقة محترمة لازم نلتزم فيها، الأمور بحاجة الى عمل أكبر وصار لازم ينوضع حدّ لهل مهزلة لي عم نشوفا على مواقع التواصل.

كلنا معنيين، كهنة وعلمانيين، لأنو المركب رح يغرق بالجميع.

العودة الى الصفحة الرئيسية 

Tags:
العذراءيسوع
Top 10
إيزابيل كوستوريي
صلاة تحقّق المعجزات كتبها بادري بيو وطلب من ا...
ishtartv
مطران عراقي يتشجع ويطلب من ترامب ما لم يطلبه ...
أليتيا
صلاة القديسة ريتا في الشدائد و الأمور المستحي...
SAINT CHARBEL,CANDLE
أليتيا
صلاة بشفاعة القديس شربل تحقّق المعجزات
bible
فيليب كوسلوسكي
٥ آيات من الكتاب المقدس لطلب الشفاء من اللّه
الاب إدواد ماك مايل
هل القبلة بين الحبيبين خطيئة؟ هل من تّصرفات ...
أليتيا العربية
عادات وتقاليد في المغرب
المزيد
النشرة
تسلم Aleteia يومياً