أخبار حياتية لزوادتك اليومية

لست مستعداً للتبرع؟

إليك خمس طرق يمكنك أن تساعد أليتيا من خلالها

  1. صلي من اجل فريقنا ونجاح مهمتنا
  2. تحدث عن أليتيا في رعيتك
  3. تقاسم مضمون أليتيا مع أصدقائك
  4. أوقف الـ ad blockers عندما تقرأ أليتيا
  5. تسجل في نشرتنا المجانية واقرأ المقالات يومياً

شكراً!
فريق أليتيا

تسجل

Aleteia

إله جديد في لبنان يقيم الموتى من القبور!!!

Share

روما/أليتيا(aleteia.org/ar)لو كان المسيح موجود بالجسد معنا اليوم شو كان رح يقول؟ شو كان رأيو بكل هل خزغبلات لي أصبحت لا تطاق؟

غريب، صار السياسي والمناصر عم يقولبوا يسوع على ذوقن، عملوا يسوع على قياسن، واسترجي قلهن إنكن على خطأ، بتقوم لقيامة.

بس يقلّك هيدا المناصر إنو زعيمو هوي ممثل المسيح عل أرض، انت لازم تسكت، وتنحني عشوي. لأن بالنسبة لكتار من الناس زعيمهن هوي الله عل أرض.

أنا وعم شقلب بمواقع التواصل، بشوف صورة لزعيم على بلكون البناية، وناس رح تقفز من الفرح إنو علّقت صورة الزعيم عل بناية…بتقول بسيطا، بس بتوصل لآية من الانجيل بتقول يتمجد اسم الرب، بس فجأة بيطلعلك صورة لزعيم آخر، هوي النبي لجايي ينقذ الشعب من الضلال…بس الأقوى من هيك، هيدا الزعيم لي جايي يعزّي، اصلاً هوي ما بيعرف شي عن الميت، إلّا إنو عيلتو فرحت إنو إجا الزعيم يعزّي.

ما في حرمة للموت، ما في حرمة للانجيل، مافي حرمة للقداس.

بيتقاتلوا ليقعدوا بالصف الأمامي بل كنيسة، رجال فايتي وسلاح ع خصرا، وبعدكن بتسألوا شو مستقبل المسيحيين بلبنان؟

بلبنان، بلدي الحبيب، صار السياسي بمثابة الله، قادر يقيم الميت من القبر لأنو صار إله معبود والزقيفة كتار.

ما يزعلوا بعض مناصري الأحزاب منّا، بس يا جماعة، وين مسيحيتكن؟

كيف عم تعبدوا وتألهوا ناس متلكن متلن؟

وين يسوع؟ وين تاركينو لحالو عل صليب؟

غريب…

مش غلط تحب زعيم، وتقاتل كرمال فكر سياسي، بس الغلط إنك تفتكر إنو الزعيم بيشيل الموتى من القبور.

 

 

العودة الى الصفحة الرئيسية 

Newsletter
Get Aleteia delivered to your inbox. Subscribe here.