أليتيا

الأب مونّس: ما تواخذنا “منال موريس”ما بتعرف تقرا الكتاب المقدس.. عم تلعن قديسينا والكنيسة الكاتوليكية من شاشة “المسيح” !!!

مشاركة
تعليق

لبنان/ أليتيا (aleteia.org/ar)   اعاجيب مار شربل دّققو فيون اطبا مش مسيحية، وسيرة حياتو اللي قدستو مش العجايب

مقتطف من حديث الأب مونّس لقناة “نورسات”: (الجزء 1)

عن الإهانات المتكررة لـ”منال موريس” بحق القديس شربل:

  • حطولو كلس للقديس مار شربل لحد ركابو،
    حرقو لحتى ينشّف، ما نشّف،
    رجعو يقررو الأطبا يشقّوه ويشيلولو معدتو ومصارينو واحد الأطباء اخدن، كان يعطيهم دوا ويشفي مرضاه،
    بقي الدم يطلع منو،
    هودي شو.. ؟؟ بتعرفن الست منال
  • عم بتقول: هودي عمل شيطاني !!
    اعجوبة إسكندر عبيد من بعبدات اللي عملو عجيبة مار شربل..
    هوي حداد، عم يضرب طلعت نسرة فاتت بعينو، نسرة جمر،
    طفّت العين، وراحت الشبكة.. وشفاه مار شربل،
    كيف شفاه؟
    ظهرولو بالليل، قلو تعا لعندي تَ اشفيك؟
    هوي تكسلنْ، حمل حالو وطلع عَ الدوار… قلو مش لهون، طلاع ع عنايا..
    وقت اللي وصل، قبل الدير، قلو بقدّي، قبلتلك دعوتك،
    حط شوي تراب بعينيك وفتاح عينيك (Etfatah) افتح باللهجة السريانية.. متل ما عمل المسيح لما شفي الأعمى..
    شال تراب وحطن بعينو، وفتح عينو
  • ماري ايبال شفيت من السرطان،
    وآلاف العجايب صارت بشفاعة مار شربل من المكسيك، للبرازيل، لأميركا،  لكندا، لأفريقيا، لروسيا، لسويسرا
  • وتنقل إعلامية نورسات نقلاً على الأب لويس مطر القيّم على شفاءات القديس شربل، أنّه يحصل كل ثانيتين فقط اعجوبة باسم الرب بشفاعة مار شربل في العالم، ومنهم الكثير لا يُدوّن..

يعقّب مؤنس:

 

  • الأطبا اللي حققو بأعاجيب القديس شربل منن مسيحية،
    الأطبا علما من “اوتيل ديو” وبروتستانت (انجيلية) بشكّو..
    موارنة، ودروز وغير مؤمنين..
    هني اللي عملو تقاريرهم..
    وقت اللي شالو الجثمان وعملو التقرير حطو التقرير بالتابوت،
    داب الزنك وداب التابوت، وبقي التقرير وجثمان مار شربل بعدو متل ما هوي،
    رجعو نقلو من القبر التحتاني

 

 

ويضيف الأب مونّس

 

  • الأعاجيب مش هيّي بتأكّد القداسة، ما نضيّع
    هيدي ظواهر عجائبية كتير مهمة، القداسة هيي سيرة الحياة..
    مار شربل انسان تفرّد، تنسّك، تصومع، صام، ضحّى، صلّى، بذل حالو، قدّم حالو لَ الله

رداً على قول منال… انو كيف بتقدسو بعد ما مات، يقول الأب مونّس!!

  • حياتو هيي القداسة، ولكن ما آمنو بقداستو الرهبان،
    نحنا ما منآمن بمار شربل، ولا منعبد،
    نحنا منكرّم القديسين ومنطلب الشفاعة،
    ايماننا هوي بيسوع المسيح، وعنّا الثقة انو شفاعتو تعمل العجايب، مش ايمان
  • منال بتشرح النصوص غلط،
    ما بتعرف تقرا الكتاب المقدّس، ما تواخذني،
    انا استاذ اتروبولوجيا، عم تعطي رموز للأرقام،
    رقم 1 رمز، 3 رمز، 7 رمز، 28 رمز.. وكلن مرتبطين برموز الحياة
    الحياة مرتبطة بجسد المرأة (28 يوم)
    بدنا نعدّ مزبوط كي لا نُحطّم الحياة
  • باللغة اللبنانية نحنا منقول “يا تقبرني” (الأم بتقول لابنا)
    انو انا بحبك، الكلمة شيء آخر،

هيي ما فيها تقول انو الكلمات اللي آخدتا من الكتاب المقدس انو مزبوطا، في معنى رمزي
وقت اللي بقول كتاب المقدس، ملعون من عُلّق على خشبة،
هيدا معنى رمزي

  • رفقا صبية جميلة، عندا عينين حلوين، مشيت بكل لبنان، ووصلت ع دير القمر،
    وراحت عَ ايطو، وقدمّت عينيها ضحية،
    وقت اللي الطبيب شلها عينيها، دفعت الإجرة وقالتلن اوعا تمدو ايدكم عليه
  • منال” لعنت يسوع، والكنيسة الكاتوليكية،
    لعنت رفقا والقديسين، وسخفّت الناس
    منترجّى من ست منال تدرس، وتعرف، وتقرا، وتحكي،
    وإذا حكيتْ، ما تواخذني تحكي بتهذيب وبأخلاق،
    ما فيها تمسّ وجدان بيحترم اشخاص،
    ما تاخود النصوص بحرفيتا، بس يقول (متى 1: 8-9)
    إذا شككتك عيتك اقلعها، أعين الناس منشيلن؟
    لاق.. وقفها!!
  • في مدارس لاهوتية عديدة، الرمزية، والحرفية، والنفسية، والبنيانية، والكتابية، والأدبية،
    ما تلزمنا بتفكيرا ولا بمدرستا،
    مع احترامنا لالها وحرية رأيا، ولها حق ان يكون لها رأي آخر،
    بس تحترملنا رأينا وايماننا،
    وما تهين وطن اعطى هالقديس العظيم اللي هوي اكبر قديس بالكنيسة،
    ومار شربل جعل من لبنان نور القداسة بالعالم،
    عم تهين وطن وشعب، وقديس ورهبنة،
    انا ما بسمحلا بهالكلام
  • حكيا ما بأثّر ع يللي عندو ايمان، لا بل يغضبن، وبيجرحن،
    وبيعرفو انو هيدا تجريح وتدمير، وتهديم للكنيسة،
    وبدها تكون عارفي انو “أبواب الجحيم” لن تقوى عليها
  • عندا مهمي تدمير الكنيسة، وعاملي حالة معا الحقيقة،
    أصلا قولي حقيقتك من دون سخرية،
    عملت دعاية لحالا مش منيحة وإذا كان التلفزيون اللي عم تبث منو للمسيح،
    المسيح محبة، المسيح احترام، المسيح شفقة، المسيح حقيقة وما فينا نقول الباطل

 

مختارات الموقع لا تعبّر بالضرورة عن رأي الموقع

 

للراغبين بالصلوات اليومية تابعونا عبر صفحة

ALETEIA \ DAILY PRAYERS

للراغبين بمتابعة أخبار المسيحيين في كندا وأمريكا تابعونا عبر صفحة

Aleteia Arabic USA \ CANADA

 

للراغبين بمتابعة أخبار المسيحيين في أوروبا تابعونا عبر صفحة

ALETEIA ARABIC \ EUROPE

 

للراغبين بمتابعة أخبار المسيحيين في أستراليا تابعونا عبر صفحة

ALETEIA   ARABIC \ AUSTRALIA

 

للراغبين بمتابعة أخبار البابا تابعونا عبر صفحة

ALETEIA AR \ POPE NEWS

العودة إلى الصفحة الرئيسية

 

مشاركة
تعليق
أليتيا Top 10
  1. الأكثر قراءة
    |
    الأكثر مشاركة
  2. “أبونا ميلاد” يرقد بجوار القديس شربل في عنايا

  3. شاهد وجه المسيح في أبو ظبي

  4. الشيخ السلفي الذي هز مصر باعتناقه المسيحية…بدأ يبشر غير المسيحيين وهو في زنزانته

  5. فضيحة مدويّة تهزّ الكنيسة!!! تجاوزات لن نسكت عنها بعد اليوم!!!

  6. تزوجت من رجل أعمال ثري لكنها اختارت أن تهب حياتها لخدمة الفقراء إلى أن كرّمها حاكم دبي مؤخراً.. “بحب ربنا ولا يشغلني الفوز بجائزة نوبل للسلام فضحكة طفل عندي أهم”

  7. قيادي بارز في جماعة الإخوان المسلمين يكشف سرّاً كبيراً: “أنا الآن في طريقي لمقابلة السيد المسيح عليه السلام”

  8. كاهن روسي: لم يتبق سوى القليل قبل إعلان موت الحضارة المسيحية بأكملها… أوروبا وروسيا ذات غالبية مسلمة خلال الخمسين سنة المقبلة

  9. شعرت وكأنّ عظامي قد خرجت من جسدي وسقطت على وجهي وبدأت بالبكاء لشعوري بحضور الله فسارعت إلى زاوية الغرفة ووضعت رأسي بين ذراعي صارخًا…بالفيديو إيراني يحكي للعالم قصة معاينته المسيح !!!

  10. المجيء الثاني للرب والدينونة الأخيرة

  11. صلاة القديس أغسطينوس عندما تتعقد الأمور في حياتكم ولا تستطيعون التقدم!

المزيد
النشرة
تسلم Aleteia يومياً