أخبار حياتية لزوادتك اليومية
أليتيا

مش معقول هيدا الخوري!!!

مشاركة
تعليق

لبنان/ أليتيا (aleteia.org/ar) شو قلال يلي متلو لهل خوري

بدل ما الناس تركض لتحكيه

هوي قاتل حالو كرمالن

 

 

بتطلب منو طلب بيعملك ١٠ طلبات

بيفهم عليك عالطاير

اذا بدك منو شي مش مضطر تترجى فلان و فلان لتوصلو أهين شي تلاقيه و تحكيي معو

 

 

بيسمعلك بيرشدك بينصحك بحبك

غراضو و سيارتو و حتى تيابو اذا عزتن بيعطيك

انت طلوب و ما تسأل

 

 

هالخوري غريب

ولا مرة منسمع عنو شي لا وين كان و لا شو عمل

لا مين ساعد و لامين علم و لامين صلى عليه

 

 

هالخوري مش كل فشخة بيعملا المصور لاحقو

ولا بيعمل طنة ورنة وين ما بكون عالهدا

بتعرفو لما تشوفو قليل ليحكي

 

 

واذا حكي بيحكي عن يسوع

و اذا سكت بيحكي مع يسوع

كل همو خلاص النفوس و اذا سمع حدا عم يعظّم فيه و يقلو انت قديس بقلك انا بعدني زغير

 

 

و ما مشيت ولا فشخة بطريق القداسة

و متلي ومتلك كلنا علينا نكون قديسين بس بصمت

هالخوري مهضوم كتير و خفيف

 

 

ما بيحكي شو معو و عندو

بيعطي و لو حتى ما بقي معو شي

بفكرو هيدا الخوري وحيد ما حدا معو

 

 

بس اللي بيعرفو بيعرف انو الله دايما معو

بعيد كتير عن البرامج و الحكي و التخطيط

بيفعل و بعدين بيحكي و بتقدر اصلا تكتشف من يلي عملو بلا ما يحكي شو بدو يعمل و شو ناوي ع مشاريع

 

 

بفاجأك و حتى بصلاتو بسيط كتير

ملتزم بكنيستو و برهبنتو و لا مرة سمعناه عم يحكي ع حدا او يجرح بحدا دايما بقول منصلي لبعض لإذا حدا ضعف من اخوتنا صلاتنا بتعطيه القوة

هيدا الخوري ايه هيدا الخوري تحديدا

 

 

انا بصراحة شفتو مرة

و من حديثو فهمت انو لتكون انسان مليان من الله

عليك تكون امين بمحبتك

 

 

هيدا الخوري منو من الخيال موجود اكيد

صدقوني رح تعرفو عن مين عم بحكي

هيدا الخوري ما غيرو …

 

 

ايه هيدا هوي اسمو ….

 

انو نضوي ع الحقيقة متل ما هيي

منقدر من خلال هالحقيقة نبني انسان حقيقي

اذا منسكت و منبطل ننتقد

 

 

منقدر نقشع صح و نفهم اكتر من ما نحكي

منقدر نصلي و نطلب النعمة لنصغي

الخوري انسان و الإنسان بيغلط

 

 

الخوري منو حدا بعيد من غير كوكب

الخوري يمكن من أهل بيتك

خيك ، بيك ، عمك ، و يمكن انت

 

 

اذا بدنا ننتقد منقدر نلاقي ١٠٠ فكرة نكتبا

بس الإنتقاد اللي ما بينبنى ع اساس منيح

مع الوقت بينهار و ما بيبقى منو شي

 

 

وحدا الصلاة بتقدر تعمل المستحيل

فكر معي اذا امك او بيك بالبيت غلطو شو بتعمل معن؟

اذا انت غلّطت شو بتحب الناس تتصرف معك ؟

 

 

خدا ع حالك قبل ما تاخدا ع غيرك

ما تنسى انت بالمعمودية كاهن … سأل عن ايا كهنوت انا بالمعمودية معي و شو يعني

فكر متل ما يسوع كان يفكر

 

 

تصرف متل ما يسوع كان يتصرف

قولك بين تلاميذو ما كان في ناس تغلّط ؟

شو كان يعمل معن كيف كان يتصرف ؟

يلي نكرو شو عمل فيه ؟

 

يسوع وحدو اللي قادر يخليك تكتشف انو بعد فيه و رح يبقى فيه و كتارالكهنة يلي بتشهد و هيي صورة حقيقية و حلوة لتعيش حياة مسيحية مميزة و تكون شهادة للبشارة بكل الدني

 

ما تنسى هيدا الخوري الما عاجبك فيه شي

تذكر هالخبرية :

الكنيسة متل بستان ورد

 

 

من بعيد بتشوف ورود اشكال و الوان

كل ما تقرب بتصير تشوف الإشيا أوضح لتعرف انت تنقي و تختار …

ما تحكم من بعيد قرب و شوف وبصمت و صلاة قادر تغيّر

 

 

العودة إلى الصفحة الرئيسية

نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات. إنّ التعليقات المنشورة لا تعبر بأي شكل من الأشكال عن رأي الموقع الذي لا يتحمّل أي أعباء معنويّة أو ماديّة إطلاقًا من جرّائها.

أليتيا Top 10
  1. الأكثر قراءة
    |
    الأكثر مشاركة
النشرة
تسلم Aleteia يومياً