Aleteia
الأحد 25 أكتوبر
روحانية

بالروح بالدم ... الإنسان هوي الصورة الحقيقية لجمال الله صورة مقدسة بتعكس مجد الخليقة!!!

© Jean Rady / Union De Prière

أليتيا - تم النشر في 06/02/15

تأكد بنفسك .....

بيروت / أليتيا (aleteia.org/ar) – شو هيي النار ؟
شو هيي المي ؟
شو هيي الروح؟
شو يعني انسان ؟
شو هيي الحرية ؟
وين الرحمة ؟
وين السلام ؟
وين الحب ؟ 
وين الإيمان ؟
شو هوي الرجا ؟
شو يعني نسامح ؟
شو يعني نصلي ؟
شو هيي التوبة ؟
شو هيي الحياة ؟ 
شو يعني الموت ؟
شو يعني القيامة ؟

اسئلة كتير اليوم بتنكتب ع وراق الزمن 
افكار بتخلي العقل يصير هوي الحكَم بحِكم القلب 
لما فكرنا يكون بعيد عن فكر الله منضيع 
ولما نقرا افكارنا من خلال فكر الله منفهما 

النار بتحرق و لما تحرق العشب اذا رجعنا ولّعنا فوق الحريق لما ينطفي 
ما بينفع لأنو النار ما بتحرق عشب مرتين بكفّي مرة وحدة وهيك النار اللي بتحرق خطيتنا بكفي مرة وحدة منتطهّر 

المي بتروي العطش و بتسقي و حاجة الإنسان للمي اساسية ليتنظف كل مرة بيتوسخ فيا و هيك المي اللي الله بيعطيا بتروي و بتنظف و بتنمي 

الروح هيي لمسة الله نفس الله يلي فينا و كل ما نتنفس منعرف انو هالنفس هوي هدية مجانية 
و قديش مهم نعرف قيمة هالنعمة 

الإنسان هوي الصورة الحقيقية لجمال الله 
صورة مقدسة بتعكس مجد الخليقة يلي اكتملت لما الله عطاها النعمة و نفخ فيا روحو القدوس 
شو مهم نشوف بكل انسان منتلاقى فيه الله الحاضر بقلب العالم 

الحرية هيي هالإنتماء والمسؤولية يلي الله عطاها 
تيعرف كل انسان يختار ويكون مسؤول عن قرارو من مبدأ الحب 

الرحمة هيي هالنبتة الزغيرة اللي الله زرعها بقلب الإنسان و كل شخص عليه يهتم فيها تتكبر و تنمى و تكون متل المراية تعكس مجد السما من خلال خيو الإنسان 

السلام هوي المطرح اللي قلب الإنسان بيقدر يكون فيه مرتاح ومجرّد من كل شي و الشاطر اللي بيعرف وين بلاقي سلام قلبو … ملك السلام ناطر بقلب كنيستو كل شخص بيجي لعندو وبدو بس يطلب منو و هوي بيعطيه …

الحب هوي دقة القلب اللي بتذكر الإنسان انو هوي محبوب و مرغوب رغم كل الظروف و الشاطر اللي بكرس هالقلب تيحب بكل عمل بقوم فيه هيك بيقدر يشهد و يعترف بالله اله الحب

الإيمان هوي هالرغبة العميقة اللي بتتخطى كل افكار الدني الإيمان هوي ثبات الإنسان و ثقتو و الشاطر اللي بيبقى ثابت و بنمي ايمانو رغم التجارب بالصلاة

الرجا هوي لما الإنسان ينجرح يعرف انو منو لوحدو في بي سماوي حدو، الرجا بيعطي القوة و الصبر ل يللي بيطلبو 

المسامحة هيي فعل استسلام علامة انو اللي بيسامح هوي انسان لأن كل شخص معرض يغلط و اللي بيسامح بيتحرر من كتير اشيا بتكبّلو 

نصلي … نسمح لألله يحكي معنا ونحنا نحكي معو نتعلم منو و نفتح هالخط اللي بيعطي حياتنا قوة لنتغلب عالتجربة و نستفيد و نكبر بالنعمة و الحكمة 

التوبة هيي اكتر من فكرة هيي فعل مبني ع صخرة الإيمان الحي وبالتوبة منتعلم و منقدر نقوم كل مرة منوقع فيا و شو حلو تكون توبتنا صادقة 

الحياة هيي نعمة مجانية من الله يلي خلق كل الحياة و دوزنها و شو مهم نعرف نشكر الله ع حياتنا و نحافظ ع هالكنز اللي ما النا غنى عنو

الموت هوي لحظة بتبلش فيا حياة أبدية
لحظة بتتلاقى فيا النفس مع خالقها
شو حلو نكون حاضرين لنتمجد بهاللحظة و نمجد الله من خلال محبتنا و التزامنا و صدقنا …

القيامة هيي رجا حقيقي و شهادة بيحملها كل انسان بيوثق بحكمة الله الحي القائم من الموت 

منصلي لألله يعطينا الحكمة لنقدر نمشي بحياة
بدايتها و نهايتها مضمونة بلّشت من قلب الرب و بتنتهي بقلبو … صرخة عميقة … حرية صادقة و توبة ثابتة لكل انسان بيختار الحياة 
بالروح بالدم بيبقى الله وبيسكن بالقلب 
وقدام هالدعوة الشاطر اللي بيشرّع بواب قلبو ليستقبل اللي جايي يقعد فيه …

العودة إلى الصفحة الرئيسية

ادعم أليتيا

إن كنت تقرأ هذا المقال فذلك تحديداً بفضل سخائك وسخاء عدد كبير من أمثالك الذين يجعلون من مشروع أليتيا التبشيري واقعاً. وإليك بعض الأرقام:

-      ٢٠ مليون مُستخدم يقرأون Aleteia.org شهرياً. 

-      تصدر أليتيا بشكل يومي بثماني لغات: الفرنسيّة، الإنجليزيّة، العربيّة، الإيطاليّة، الإسبانيّة، البرتغاليّة، البولنديّة والسلوفانية. 

-      يتصفح قراؤنا شهرياً أكثر من ٥٠ مليون صفحة.

-      يُتابع ما يُقارب الأربعة ملايين شخص أليتيا عبر وسائل التواصل الاجتماعي.

-      تنشر أليتيا شهرياً ٢٤٥٠ مقال وما يُقارب الـ٤٠ فيديو.

-      يعمل ٦٠ شخصا بدوام كامل على هذا المحتوى بالإضافة الى ٤٠٠ معاون (من كُتّاب وصحافيين ومترجمين ومصورين...)

إن هذه الأرقام ليست سوى ترجمة لجهد كبير. نحن بحاجة الى دعمكم للاستمرار في تقديم خدماتنا للجميع بغض النظر عن مكان سكنهم وسواء كان بمقدورهم الدفع أم لا.

ادعموا أليتيا بدولار على الأقل لن يتطلب ذلك منكم أكثر من دقيقة. شكراً. 

 

صلاة اليوم
اليوم نحتفل أيضاً بـ




Top 10
هيثم الشاعر
تدخّل إلهي في مزار سيدة لبنان - حريصا
أليتيا
قصة حب رائعة حصلت على فراش الموت في لبنان...أ...
أليتيا
مقتل كاهن في خلال مساعدته امرأة تتعرّض للسرقة
غيتا مارون
بعد تداول فيديو كنيسة أوروبيّة تحوّلت إلى مطع...
هيثم الشاعر
بالفيديو: لحظات صادمة حاول فيها مخرّب نزع صلي...
priest in Greece
هيثم الشاعر
تركيا تلقي القبض على راهب سرياني أرثوذكسي وال...
فيليب كوسلوسكي
الصلاة المفضلة لبادري بيو التي كان من خلالها ...
المزيد
النشرة
تسلم Aleteia يومياً