أليتيا

خبر عاجل : التمثال عم يرشح زيت؟؟؟

© Jean Radi
مشاركة
تعليق

بيروت / أليتيا (aleteia.org/ar) – يا ريت منعرف حقيقة
شو هيي رسالة شربل بين شعبو
شربل بيشبه الله
شربل حي
شربل حب
شربل خدمة
شربل تواضع و صمت و صلاة 

متل ما الله مش بحاجة لزيت و بخور ليثبت حضورو طالما منعرف و مأكدين انو حاضر بقلب كنيستو بالذبيحة الإلهية و بين شعبو
هيك شربل كمان حاضر بقلب الكنيسة
شربل ليسوع و يسوع لشربل
وهيدي دعوة كل شخص منا
متل شربل يكرس قلبو و حياتو ليسوع
تيصير يدل عليه و يحكي عنو بصمت

في علامات الله بيسمح يعطيها من خلال قديسينو
وهالعلامات بتبقى الها هدف و رسالة واضحة

و كل علامة ما الها رسالة واضحة متل ما الله دايما واضح ما بتكون من الله

ما نضيع بالقشور و نلتهي
خلينا نتأمل بالعلامة الدايمة بقلب كنيستنا

علامة القربان ، علامة الإنجيل و هيك منكتفي نفهم كل شي بصير حوالينا كرمال ما نضيع و نضيّع يلي حوالينا بإشيا ما بتفيدنا بحياتنا الروحية

اذا صورة عم ترشح زيت ولا تمثال عم يرشح زيت خلينا نتطلع هالتمثال مين هوي ؟ بمين بذكرنا
واذا منتأمل منقدر نعرف انو صاحب هالتمثال يعني القديس اللي معمول الو تمثال او صورة همو الدايم يدلنا ع اللي ناطرنا بقلب الكنيسة

وما ننسى انو ما في مستحيل عند الله
ولما بدو يعطي علامة او رسالة بتكون الرسالة واضحة متل الشمس و منفهما …
الشاطر اللي بيلحق اصبع هالتمثال لوين عم بدل
وما بيوقف عند التمثال بس …

العودة إلى الصفحة الرئيسية

مشاركة
تعليق
This story is tagged under:
التمثال عم يرشح زيت
النشرة
تسلم Aleteia يومياً